༼རྡོར་བཟང་མར༽

མདངས་དཀར་དུང་གི་ཟླ་བ་ཁྱོད་ཡིན་ན། ། ཀུ་མུཊཚོས་ཞི་ལེགསཔ་པས་ང་གིས་སྤྲུལ། ། དཀར་སངས་ནུབ་ནི་མེད་པར་ཤར་ཏེ་སྡོདན། ། ལས་ཀྱིས་ཀུ་མུཊ་མ་འཁོར་ཐབས་མེདཔ་འོང། ། དྲོད་ཉམས་ཆེ་བའི་ཁྲི་གདུགས་བུམོ་ཁྱོད་འབདན། ། རྒྱ་མཚོའི་སྦུག་གི་པདྨ་ང་རང་ཨིན། ། འོད་ཟེར་དགུང་སྔོན་དབྱིངས་ལས་འཛུམས་པ་ཅིན། ། པདྨ་ལས་ཀྱིས་མ་བཞད་ཐབས་རང་མེད། ། ཡིད་འོང་སྤྲིན་གྱི་མེ་ཏོག་ཨིན་པ་ཅིན། ། ང་རང་མྱུ་གུ་སྔོན་པོ་ལོས་ཀྱང་ཨིན། ། …

རྨི་ལམ་གྱིས་རོལ་རྩེ།

མདང་ནུབ་རྨི་ལམ་བཟང་ངན་མཐོང་པ་དེ། ། གྲོགས་པོ་གྲོགས་མོ་མིག་གི་སྤྱན་སྔར་དུ། ། ལེན་ཞིག་ཞུ་བ་སྙམ་ནས་ཡིག་ཐོག་ཏུ། ། བཤུས་ནས་ཕུལ་བ་དགོངས་འགལ་མེད་པར་གདའ། ། མཉེན་ཞིང་འཇམ་པའི་མལ་དང་བདེ་བའི་སྟེན། ། མཚསམ་སུ་འཛུལ་ནས་བདེ་སྨོན་སྒྲ་གཟུང་ཞིག ། རྣ་བར་སྙན་ཞིང་ཡིད་འཇེབས་གདུང་བས་མནལ། ། ཡུད་ཙམ་ཞིག་ནས་གཉིད་ཀྱི་ཐང་དུ་སླེབས། ། ཉམས་བྲོད་སྐྱེད་ཚལ་མིག་ངོམས་ཡུལ་ཞིག་དུ། ། ཉ་མོ་ཁྱུག་ཅིང་རྒྱུ་བའི་མིག་ལེགས་མས། ། …

【མེ་ཏོག་ནང་གི་བུ་མོ】

བུ་ཆུང་ཉལ་བའི་རྨི་ལམ་ནང་གི ། བརྩེ་བའི་སྨིན་ཆུང་ཡིད་འཕྲོག་ལྷ་མོ། ། མ་ཕྱད་ཞག་དང་ཟླ་བ་སོང་ཚེ། ། སྐྱོ་གདུང་ཚིག་དང་དབྱངས་ལུ་འགྱུར་དོ། ། བུ་མོའི་འཛུམས་མདངས་ཚར་བའི་ཞལ་རས། ། མེ་ཏོག་ནང་ལས་མཛེས་པའི་མེ་ཏོག ། ང་ཡི་སེམས་ཀྱི་ཚལ་ནང་ཤར་ཚེ། ། སེམས་བག་ཕེབ་པའི་ལོངས་སྤྱོད་ཨིན་པས། ། ཅ་ཅོ་ཁུ་བྱུག་སྔོན་མོའི་གསུང་སྐད། ། མཛེས་ལྡན་ལྡན་བུ་མོའི་ཧིང་གཏམ་ལོས་ཨིན། ། …

རང་སྐད་གཅེས་པའི་གཏམ།

གསོན་ཤིག་གསོན་དང་འབྲུག་པའི་ན་གཞོན་ཚུ། ། ལོ་ན་ཆུང་བའི་དུས་སུ་མ་གཡེངས་པར། ། རང་གི་སྐད་ཡིག་ལམ་སྲོལ་དཔྱད་པ་ཅིན། ། རྒས་པའི་དུས་སུ་གཞན་བཟུམ་དཀའ་སྤྱད་མེད། ། དང་པོ་ཤེས་བྱ་ཡོན་ཏན་བརྒྱ་སྟོང་ལས། ། ཕན་རླབས་ཆེ་བ་རང་སོའི་སྐད་ཡིག་འདི། ། རྒྱབ་ཏུ་མ་བསྐྱུར་ལུས་དང་དྲི་མ་བཞིན། ། རྟག་ཏུ་རང་དང་བཞགས་གནང་ན་གཞོན་ཚུ། ། རང་སྐད་ཤེས་ན་ཕན་རླབས་རྒྱ་མཚོ་ལས། ། སྦོམ་ཡོད་མ་གཏོགས་ཆུང་བའི་དཔེ་མི་སྲིད། ། …

དངོས་པོའི་དཔེ་སྟོན།

གནམ་ཁའི་དཀར་གསལ་ཟླ་བ་ཁྱོད།། གཏན་རྐྱང་འཕེལ་འགྲིབ་མང་བ་དེ།། རྒྱུ་རྐྱེན་ཅི་ཡིན་འདྲི་བའི་ཚེ།། སྨིན་ཆུང་བུ་མོའི་བསམ་སྤྱོད་དེ།། བརྟན་བརྟན་རྩ་ལས་མེད་དོ་ཞེས།། ཕོ་རབས་རྣམས་ལ་སྟོན་དོ་ལོ།། ལྡུམ་རྭའི་སེར་ཤོས་མེ་ཏོག་ཁྱོད།། གཏན་རྐྱང་ཕར་ཚུར་གཡོ་བ་དེ།། རྒྱུ་རྐྱེན་ཅི་ཡིན་འདྲི་བའི་ཚེ།། སྨིན་ཆུང་བུ་མོའི་བློ་སེམས་འདི།། གཡོ་སྒྱུ་ཆེ་བ་ཡིན་ནོ་ཞེས།། ཕོ་རབས་རྣམས་ལ་སྟོན་དོ་ལོ།། འཇིག་རྟེན་དུས་བཞི་དུས་དྲུག་ཁྱོད།། གཏན་རྐྱང་འགྱུར་ལྡོག་མང་བ་དེ།། རྒྱུ་རྐྱེན་ཅི་ཡིན་འདྲི་བའི་ཚེ།། སྨིན་ཆུང་བུ་མོའི་སེམས་འདི་སྨོ།། འགྱུར་བའི་རང་བཞིན་ཡིན་ནོ་ཞེས།། ཕོ་རབས་རྣམས་ལ་སྟོན་དོ་ལོ།། གངས་ལུ་ཆགས་པའི་ཁ་བ་ཁྱོད།། གཏན་རྐྱང་ཉིམ་གིས་ཞུ་མི་འདི།། …

དྲིན་ཅན་ཨ་མའི་བཀའ་དྲིན།

དྲིན་ཅན་ཨ་མའི་བཀའ་དྲིན།། ནམ་ཡང་སེམས་ལས་མི་བརྗེད།། ས་སྟེང་འཛམ་གླིང་འདི་ནང་།། ལས་ངན་བུ་ཆུང་ང་ལུ།། ཨ་མ་ཁྱོད་ལས་ལྷག་པའི།། དྲིན་ཅན་གཞན་མི་ག་ཡང་།། མེདཔ་ལས་ཨ་མ་ཁྱོད་ལུ།། ངེ་སེམས་ཁོག་པའི་གདིང་ལས།། བཀའ་དྲིན་དགའ་འཚོར་བསམ་དོ།། ཨ་པ་མེད་པའི་ཤུལ་ལུ།། ཨ་མ་ཁྱོད་རང་རྐྱངམ་ཅིག། ཉིན་ནུབ་མེད་པར་དཀའ་བ།། སྤྱད་དེ་བུ་གཞི་ང་བཅས།། ཨ་མ་ཁྱོད་ཀྱིས་གསོ་སྟེ།། ཡོད་ཚད་རང་ལས་བཏོན་ཏེ།། མེདཔ་མི་གཞན་ལས་འཚོལ་ཏེ།། ཆུང་ཚེ་སློབ་གྲྭ་ནང་ལུ།། ཕྱི་ནང་གཉིས་ཀྱི་ཡོན་ཏན།། ལྷབ་པར་གཏང་སྟེ་འབད་རུང་།། བུ་ང་བསོད་ནམས་ཆུངམ་ལས།། …

སྒང་སྟེང་གི་བུ་མོ་ཉི་མ་ལགས།

༄༅། །བུ་ངེའི་སེམས་ཀྱི་གསང་བའི་མེ་ཏོག་འདི། ། གནས་བཟང་སྒང་སྟེང་ཕྱོགས་ལུ་ཤར་སྡོད་ནུག ། མེ་ཏོག་ལེགས་ཧིང་བལྟ་བའི་བུང་བ་ང་། ། མིག་ཏོ་ཆབ་ནི་མེད་པར་གཡེང་སོང་ནུག ། གྱོན་ཆས་གཡུ་དང་བྱུ་རུ་སྐེད་ལུ་བཏགས། ། གཞན་སེམས་གཡོ་བའི་འཛུམ་མདངས་གདོང་ལས་བཏོན། ། སྨིན་ཆུང་བརྒྱ་སྟོང་འཛོམས་པའི་སྦུག་ནང་ལུ། ། ཡིད་འོང་ལྷ་ཡི་སྲས་མོར་འགྲན་བཞིན་འདུག ། ཉིན་མཚན་མེད་པར་བལྟ་བའི་བག་ཆགས་ཀྱིས། ། རྨི་ལམ་ནང་ཡང་ཁྱོད་ཀྱི་གཟུགས་བརྙན་ཤར། …

དཔལ་སྒྲོན་མ།

དྲན་པའི་སེམས་ནང་ཡིད་འོང་བུ་མོ་བཞག་སྟེ། ། གདུང་བའི་དབྱངས་ཚིག་རྫོགས་པའི་དུས་ཅིག་མིན་འདུག ། ང་ཡི་སྙན་ངག་འདོན་ས་མཛེས་ལྡན་ལྷ་མོ། ། ཁྱོད་ཀྱི་དོན་ལུ་སྙན་ཚིག་བརྒྱ་སྟོང་བྲིས་ཆོག ། དབྱུག་པ་ཅན་གྱིས་སྙན་ངག་བརྩམས་པའི་དུས་ལུ། ། བུམོ་ཁྱོད་འཇིག་རྟེན་འདི་ནང་འཁྲུངས་ཏེ་ཡོད་ན། ། བརྗོད་བྱ་ཁྱོད་ལས་གཞན་ཚུ་མེད་པ་ཐག་ཆོད། ། འཇིག་རྟེན་དཔེ་ལུ་བཞག་ཆོག་ང་ཡི་སྙིང་གྲོགས། ། ཡིད་འོང་མཛེས་པའི་དཔེ་ལུ་ཟླ་བ་བཞག་ན། ། དྲན་པའི་དུས་ལུ་དཀར་གསལ་ཡང་ཡང་བལྟ་ཆོག ། …

སངས་རྒྱས་སྤྱན་ཆབ་བུད་དོ།

མར་འགྱུར་སྡུག་མྱོང་སེམས་ཅན་ཀུན་དོན་ལུ། ། དཀའ་བ་བརྒྱ་ཕྲག་མངམ་པས་སྤྱོད་པའི་མཇུག ། ཐར་འདོད་དག་ལ་ཐར་ལམ་བསྟན་རུང་རང་། ། སྤྱན་ཆབ་དབང་མེད་ལྷུང་མའི་སྟོན་ལུ་འདུད། ། ལས་ཅན་མི་ཚུ་ལས་ངན་མཁོཝ་ཨིན་མནོ། ། ཁ་ཙ་ད་རིས་མཐོང་མའི་བྱ་ངན་ཚུ། ། ནངས་པར་འགྱུར་བའི་རེ་བ་སྟོང་ལྷག་རུང་། ། ཉིནམ་ཟླ་ལོ་འདས་གོང་ལས་གོང་དུ་འཕེལ། ། ད་འབདན་མི་སྡོད་ད་འབདན་དུས་ལ་འབབ། ། ཁྱིམ་པ་སྔགས་པ་རབ་བྱུང་ལ་ལུའི་སྐྱོན། ། …

༼སྙིང་སྡུག་ཆོས་སྐྱིད་མར༽

བུ་མོའི་ཞལ་རས་དུང་གི་ཟླ་བ་འདྲ། ། མུན་པའི་ནང་ལས་འོད་ཟེར་ཤར་དོ་བཟུམ། ། སྐར་ཆེན་སྐར་ཆུང་ཟིལ་གྱིས་གནོན་བཞིན་དུ། ། འཛམ་གླིང་སྨན་ཆུང་ཡོད་ཚད་དབང་མེདཔ་བཟོ། ། བུ་མོའི་མིག་ཏོ་ལྡུམ་རྭའི་མེ་ཏོག་འདྲ། ། མངར་བའི་དྲི་བཟང་ཕྱོགས་བཅུར་ཁྱབ་སོང་ནུག ། རྐང་དྲུག་བུང་བ་རྒྱང་ལས་འཁོར་དོ་བཟུམ། ། འཛམ་གླིང་སྟག་ཤར་ཡོད་ཚད་ཁྱོད་ལུ་ཆགས། ། བུ་མོའི་ཡ་མཆུ་མ་མཆུ་བལ་ལས་འཇམ། ། ཀུན་དགའི་ཚལ་ནང་ཟེའུ་འབྲུ་ངོམས་དོ་བཟུམ། ། …